АЙМАҚТЫҚ ИНТЕГРАЦИЯНЫҢ ЖАҢА ТЕНДЕНЦИЯЛАРЫ ЖӘНЕ ОЛАРДЫҢ ОРТАЛЫҚ АЗИЯ ЕЛДЕРІНЕ ӘСЕРІ
##plugins.pubIds.doi.readerDisplayName##:
https://doi.org/10.48371/ISMO.2023.52.2.006Кілт сөздер:
интеграция, аймақ, Орталық Азия, ынтымақтастық, жаңа үрдістер, ашық экономика, мүмкіндіктер терезесі, экономикалық дипломатияАннотация
Интеграция қазіргі халықаралық қатынастардың маңызды аспектілерінің бірі болып табылады. Халықаралық қатынастардағы қазіргі геосаяси және геоэкономикалық үрдістер мемлекеттердің сыртқы саяси стратегияларына әсер етеді. Қазіргі уақытта аймақтандыруды көптеген әлеуметтік-экономикалық факторларға байланысты халықаралық қатынастардағы негізгі тенденциялардың бірі ретінде қарастыруға болады: әлемдік саясаттағы жекелеген аймақтардың рөлінің өзгеруі, қазіргі аймақтық еңбек бөлінісі, аймақтық этникалық қауымдастықтардың қалыптасқан жалпы мәдени бірегейлігі. Аймақтық ынтымақтастық пен интеграцияны нығайту саяси, әскери және экологиялық қауіпсіздікке қол жеткізу үшін, сондай-ақ аймақтардың ұзақ мерзімді және тұрақты экономикалық өркендеуіне маңызды рөл атқаратыны сөзсіз.
Осы мақаланың авторлары Орталық Азиядағы жаңа ынтымақтастық/интеграциялық үрдістердің әсері туралы өз пікірлерін ұсынады. Мақалада көтерілген мәселелер жаңа интеграциялық тенденциялардың табиғатын түсіндіретін теориялар призмасы арқылы талданады. Орталық Азия мемлекеттерінің интеграцияның жаңа жағдайларына бейімделу қабілеті жаңа геосаяси жағдайдағы мемлекеттердің өзара әрекеттесуінің әдіснамалық мәселелерімен байланысты. Экономикалық өсу, елді жаңғырту және дамыту мақсаттарына қол жеткізу үшін Орталық Азия үшін аймақтық ынтымақтастық объективті түрде қажет. Орталық Азия халықтары арасындағы аймақтық бірлікті дамыту аймақтың ыдырауын болдырмаудың негізгі құралы болып табылады.
