ЖАҺАНДАНУ VS ДЕЖАҺАНДАНУ НЕМЕСЕ ҚАЙТА ЖАҺАНДАНУ?

Аннотация

Жаһандану-дежаһандану-қайта жаһандану туралы пікірталастар мамандар арасында жиі пайда бола бастады. Жаһанданудың айналасында құрылған үш модель және ғылым саласына байланысты жаһанданудың жіктелуі жаһанданудың болашағы туралы сұрақ туғызады. Қазіргі уақытта globalization, deglobalization, reglobalization триадасы аясында көптеген даулар мен пікірталастар орын алуда: олардың әрқайсысының өзіндік болу себептері мен негіздері бар. Осы үштікке деген әртүрлі көзқарастар (С.Жан, У.Белло) өндіріс тізбектерін қайта құруды, кәсіпорындардың қозғалысын, көші-қон, көпмәдениеттілік, көптілділік, жаһандануға қарсы саяси наразылық ретінде АҚШ-тағы сайлау және т.б. проблемалық мәселелерді қамтитын «дежаһандану» тұжырымдамасының пайда болу себептерін ашады.