ҚЫРҒЫЗСТАНДАҒЫ КОРЕЙТАНУ: ИНСТИТУЦИОНАЛДЫҚ ДАМУ, АКАДЕМИЯЛЫҚ ҰТҚЫРЛЫҚ ЖӘНЕ ХАЛЫҚАРАЛЫҚ ЫНТЫМАҚТАСТЫҚ
##plugins.pubIds.doi.readerDisplayName##:
https://doi.org/10.48371/ISMO.2026.65.3.010Кілт сөздер:
корейтану, Қырғызстан, жоғарыбілім, академиялық ұтқырлық, халықаралық ынтымақтастық, білім беру бағдарламалары, кадрлық әлеует, Орталық АзияАннотация
Корей түбегінен тыс жерлерде корейтанудың кеңеюі әлемнің көптеген өңірлерінде, соның ішінде Орталық Азияда да корей тілін оқыту мен корейтану бағдарламаларының қарқынды дамуына ықпал етті. Бұған дейінгі зерттеулерде Орталық Азиядағы корейтанудың дамуы жалпы қарастырылғанымен, Қырғызстандағы корейтанудың институционалдық дамуы ғылыми әдебиеттерде жеткілікті деңгейде зерттелмеген. Бұл мақалада Қырғызстандағы корейтанудың қазіргі жай-күйі талданып, оның елдің жоғары білім беру жүйесіндегі дамуын қамтамасыз ететін негізгі факторлар айқындалады.
Зерттеу университеттік құжаттарды, білім беру бағдарламаларын, институционалдық есептерді, академиялық ұтқырлық материалдарын, сондай-ақ университеттердің ресми веб-сайттарында жарияланған ақпаратты талдауға негізделген. Зерттеудің негізгі нысаны ретінде корейтану бойынша білім беретін жетекші жоғары оқу орындары қарастырылып, олардың білім беру бағдарламалары, кадрлық әлеуеті, халықаралық ынтымақтастығы және академиялық ұтқырлық бағыттары зерделенді.
Зерттеу нәтижелері Қырғызстандағы корейтанудың университеттік орталықтар желісінің қолдауымен қалыптасқан салыстырмалы түрде тұрақты академиялық салаға айналғанын көрсетеді. Оның дамуы білім беру бағдарламаларының, профессор-оқытушылар құрамын дамытудың, халықаралық әріптестіктің және академиялық ұтқырлық бастамаларының өзара ықпалы арқылы қамтамасыз етіледі. Мақалада корейтанудың дамуына қатысатын негізгі жоғары оқу орындары айқындалып, бұл саланы нығайтудағы Корея Республикасының университеттері мен ұйымдарымен ынтымақтастықтың рөлі көрсетілген.
Зерттеудің ғылыми маңыздылығы Қырғызстандағы корейтанудың институционалдық дамуына жүйелі талдау жасауында және оның тұрақтыдамуына ықпал ететін негізгі факторларды анықтауында жатыр. Зерттеудің практикалық маңыздылығы оның нәтижелерін білім беру бағдарламаларын, академиялық серіктестікті және Қырғыз Республикасы мен Корея Республикасы арасындағы халықаралық ынтымақтастықты одан әрі дамыту мақсатында пайдалану мүмкіндігімен байланысты.
Қаржыландыру: Бұлжұмыс Корея академиясының (AcademyofKoreanStudies, AKS) «Орталық Азиядағы Корейтану белдеуінің гуманитарлық топографиясы бойынша деректер базасы мен оны пайдалану платформасын құру» жобасы аясында [Жоба № AKS-2025-INC-2250002] қолдауымен орындалды.
